يوم في كليه الاداب

على باب الكلية وقفت في اسبهلال احاول استيعاب هذا المشهد الذي اراه لاول مرة في حياتي .. يا نهار اسود .. كل دي بنات !!



طب انا هادخل انا عندي حساسية من البنات وارتيكاريا م الجنس الاخر .. عدت ادراجي لكني استجمعت قوتي ولملمت شجاعتي..




و استعذت بالله من الخبث و الخبائث و دخلت برجلي الـ..... لكني لم اتحمل لاكثر من عشرين متر كانت كل الحواس الخمسة تصرخ



في آن واحد .. مرت واحده لابسه ضيق بس كانت محجبة بس مش قوي يعني..قمت حاطط ايدي على عيني بلاها شوف ..



شوية و راحت معدية واحدة تانية حاطة برفان باريسي من اللي حطته جوزفين لنابليون قبل ما ينهزم .. قلت بلاها شم ..







[size=16]و كتمت نفسي بايديه التانية .. و حبه و راحت واحده بنت حلال طلعت ضحكة من اياهم ... طب اعمل ايه ؟؟ اسد وداني ازاي ؟؟



ايد على عيني و ايد على مناخيري .. و لو غمضت عنيه حسد وداني الاتنين بأيد واحدة ازاي ؟! مافيش غير حل واحد قعدت



ع الارض و رفعت رجليه و حطتها على وداني زي الشمبانزي .. و عليه .. البنات قعدت تصوت .. و العيال تجري .. و اللي يقول دهمجنون..واللي يقول ده لابسه عفريت و لازم ينضرب بالجزم عشان العفريت اللي عليه يطلع ..



و هكذا لم اعد احتاج لان اخفي حواسي بعد هذا اليوم و ذلك لاني فقدتها بعد علقة احذية معتبرة ..





[/size]

طالما معاليك مش عاوز تشوف بنات وملكش حد فى الكلية وانت مش رايح تقدى مصلحة
يبقى رايح هناك لييييييييييييييييييييييييييييييييه
وترجعوا تقولوا استغفر الله العظيم
وبعدين يا حبيبى من خرج من داره يتقل مقداره