عدد الرسائل : 35 العمر : 37 تاريخ التسجيل : 10/04/2008
موضوع: ***سيد استكنيس*** الأربعاء أكتوبر 15, 2008 8:01 pm
[size=16]كان صوت الصراخ يملؤ الحارة منطلقا من حنجرة باتعة العوجانى تبكى فقيد الشباب الغالى ولدها شهيد البانجو والبلطجة سيد استكنيص
كان سيد رمزا للأبن الصالح البار بأمه..ولكنه كان بار من نوع البار مان...فقد كان رحمه الله سكرى وسبرتجى وأيده طويله على الحريم قبل الرجالة...خاصة أمه السيده الفاضلة باتعة العكوانى...هى كمان ماكنتش فاضلة أوى فقد كانت راقصة معتزلة...وكونها معتزلة ليس له أى علاقة بالشيعة أو بواصل بن عطاء..ولكنها معتزلة بعد أن ألقى عليها برعى عكننه أبو سيد ..زجاجة ماء نار أكلت نصف وجهها وتركتها أشبه بأحدب نوتردام
برعى هو الآخر أخد جزاته وخد تأبيده...كل هذا تذكرته وانا نائم على سريرى اللى تحت الشباك فى حجرتى الأرضية المطلة مباشرة على ذلك الشارع الرئيسى فى حارة حسن حكانة...أخذت أسب وألعن تلك الحارة السودا وتلك الجيرة المهببه التى أيقظتنى من نومتى المقدسة..حتى ولو كان السبب هو موت سيد استكنيص..عدو البشرية رقم 1 فى حارتنا المشئومة...تملك الغيظ من الأسد فأنتفضت من نومتى نفضة عصفور بلله القطر ودفعت الشباك جاعلا أياه يصطك فى جدران البيت المتهالكه صارخا فى باتعة عكننه أنتى ياست ياللى أسمك باتعة..قامت باتعة من جلستها على الأرض فى موضع مقتل ابنها سيد وأقبلت على فى جلبيتها السوداء المعفرة من المرمغة فى التراب وشعرها الأبيض الغجرى الثائر وأقبلت نحوى كأقبال الموت..ثم أمسكت بتلابيبى كمن يقبض روح بنى أدم ملقية بنصفى العلوى خارج الشباك صارخة...أنته بتكلمنى أنا ياروح...هتفت فى هلع ياحاجة باتعة أنا كنت عايز أقولك بس البقاء لله والبركة فيكى البركة فى دين محمد ياخويا وبعدين أنا مش عايزه اسمع صوت حد من الحارة الزفرة دى نوهائى نوهائى..طب ليه كده بس يا مودام برعى متجبليش سيرة الزفت ده وبعدين أنته يا حارة واطية ومعفنة الواد كده ينضرب وسطيكوا وماحدش يرفع مطوه ولا سنجه يدافع بيها عنه أصل ياحاجه أبنك كان يوميها شارب وحالته نيله واحنا برضه قولنا سيد أدها وأدود والله ياسيدنا الأفندى كانوا شوية عيال هفيه أكسف أوسخ أيدى وأمدها عليهم بس هو لولا بس الكترة بتغلب الشجاعة..وبعدين انته ياض ياجعر مش انته كنت سامعه وهو بيضرب ماطلعتش تحاميله ليه يبرنسيسه انا مهندس...يعنى ماليش فى العراك مهندس..يافرحتها بيك..يعنى انته لو طلعوا عليك حرميه يثبتوك هتقولهم انا مهندس..ع العموم أنا مالياش صالح أنتوا ملزمين ترجعولى أبنى لا إله إلا الله..ماتوحدى الله ياحاجه أبنك ماهو مات من تلت أيام خلاص..أنا أخدك أنته بدل أبنى سيد وأتبناك تاخدينى..تاخدينى فين ياست أنتى أخدك تسرح بالبانجو بدالوا..أمال أنتوا عايزنى أنحرف نعم يأختى تنحرفى..هو أنتى لسه هتنحرفى ..وبعدين أنا مهندس..يعنى ماليش فى الحاجاتى دى ماهو ده عز الطلب..أنته نيو لوك ع المخبرين ومش هيعرفوك أخذت تسحبنى من الشباك وتسحلنى فى الأرض وأنا أستغيث بنخوة أهل الحارة..لكن بديعةالعكوانى ما ينفعش معاها نخوة ....منك لله ياسيد يا أستكنيص مطرح ماغرت [/size]
سيادة اللواء مهندس نشيط
عدد الرسائل : 28 تاريخ التسجيل : 11/04/2008
موضوع: رد: ***سيد استكنيس*** الخميس أكتوبر 16, 2008 5:48 pm
الله يجحمك يا ابو السيد ومبروك عليك ياحس عقبل مشوفك مدعى اد الدنيا
hossam مهندس نشيط
عدد الرسائل : 35 العمر : 37 تاريخ التسجيل : 10/04/2008
موضوع: رد: ***سيد استكنيس*** الجمعة أكتوبر 17, 2008 7:16 pm
ده احنا شغلين بحسك يا سيادة اللواء
Mostafa.Haliem مهندس
عدد الرسائل : 5 العمر : 36 تاريخ التسجيل : 07/09/2008
موضوع: رد: ***سيد استكنيس*** الخميس نوفمبر 06, 2008 3:14 pm
على فكرة انا بضحك ضحك هيستيري من الي ان لسه قريه تسلم ايديك وبعدين البلد دي مش محتاجه مهندسين البلد دي محتاجه صيع كمال قال الشاعر السيد الفقيد اطال الله عمره وكرم مثواه الاستاذ عادل امام
Eng Hatem المدير العام
عدد الرسائل : 240 تاريخ التسجيل : 23/02/2008
موضوع: رد: ***سيد استكنيس*** السبت نوفمبر 08, 2008 5:07 am
انت عارف بقا لو قلتلها انك مهندس زراعي كانت سابتك ...... لانه هتتاك ساعتها انك غبي وممكن تتمسك بالبانجو ويروح عليها المعلوم..... شفت بقا فايدة انك تبقا مهندس زراعي قد الدنيا
wolf87 مهندس جامد
عدد الرسائل : 67 تاريخ التسجيل : 07/03/2008
موضوع: رد: ***سيد استكنيس*** السبت نوفمبر 22, 2008 10:40 pm