هندسه زراعيه عين شمس
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 ***حكايتي مع الزمان ***

اذهب الى الأسفل 
+2
E L S A K R
hossam
6 مشترك
كاتب الموضوعرسالة
hossam
مهندس نشيط
hossam


عدد الرسائل : 35
العمر : 37
تاريخ التسجيل : 10/04/2008

***حكايتي مع الزمان *** Empty
مُساهمةموضوع: ***حكايتي مع الزمان ***   ***حكايتي مع الزمان *** Icon_minitimeالسبت يونيو 07, 2008 1:05 pm

كنت معصوب العينين جالسا القرفصاء.. عندما شعرت بأحدهم يجلس

بجواري .. انتفضت مذعروا وأنا أصرخ .. أنت مين؟!!

- اهدا..أنا اونكل سيد بتاع الامن..

- اونكل سيد..وأنا إيش ضمني إن أنت اونكل سيد .. وبعدين أنا أساسا

معرفش حد اسمه اونكل سيد.


- تفتكر هيعملوا فيا إيه؟؟

- ولا حاجة..أنت شفت فيلم احنا بتوع الأتوبيس

- لأ

- طب شفت الكرنك

- برضه لأ

- طب شفت البرئ

- ياعم أنا الفيلم الوحيد اللي شفته هو فيلم الحمار والتنين

- حلو أهو انت بقي هتبقي الحمار

- الحمار؟؟.. إزاي يعني؟؟ ..لأ.. كله إلا كده..

- يابني ما تخفش..الناس دى محترفه وعرفين بيعملو ايه وكمان باقل
قدر من الالم ..
طالما باقل قدر من الالم يبقى معلش


- حسام حمدي ابراهيم..هكذا هتف المخبر ينادي علي اسمي.. سحبني

من يدي..وأخذ يمشي بي في ممرات ودهاليز..وسلالم تشيلني..وسلالم

تحطني..فيــــــن لقيته بيقعدني علي كرسي خشب وواحد ذو

صوت أجش صارم يخاطبني ويقول..

- إزايك يا حسام؟..كويس؟؟..

-الحمد لله يافندم..بس الغمامة دي مضايقاني شوية..

-توء .. توء .. إزاي يعملوا كدة الحيوانات دول؟! ..وادي الغمامة يا

سيدي..

-وجدت نفسي في غرفة مظلمة خاليه من الأثاث إلا مقعدي ومكتب

أمامي بينما أخذ العميد يدور حولي وهو ينفث دخان سيجارته ثم وضع

يده علي كتقي ومال عليّ قائلا :قولي بقي يا حسام انت وديت البرشام

فين ؟

-برشام مين يا فندم؟!!!

-البرشام يا روح خالتك..إيه.. مانتش عارف؟!!!

- يا فندم أنا أعرف برشام افيون..برشام حشيش ..لكن البرشام الى

انت قصدك عليه انا معرفوش اكيد في سوء تفاهم

-





-آآآه سوء تفاهم..لأ..أنا بقي اللي هوريك سوء التفاهم..ثم صرخ بعلو

حسه :كهربا يا جابر

ودخل جابر..حاجة كدة شبه باب القلعة ..أو تلاجة 48 قدم ..

شلاضيمه..اللي هي الشفايف عندنا..فوقها مكنسة سودا زعف كشبه

الشنب..بينما يكشف فمه عن فك .. أشبه بالفك المفترس يتساقط منه

اللعاب كالذئاب المسعورة .. نظر إليّ جابر نظرة مخيفه جعلتنى أشعر

في ملابسي بشعور نسيته منذ أن كان عمري سنتين

ملت علي العميد مستفسرا : مين ده يا فندم؟؟!!

-ده .. ده يا سيدي اللي أكل دراع "فان دام" في فيلم "تايتنيك"

-ازدرت ريقي في صعوبة ثم قلت :طب هو إيه اللي جايبه دلوقتي ..هو

لسه ماشبعش

-لأ..ده جاي يكمل الفيلم .. بص بقي ..أنا عندي هنا كهربا متوصلة م

السد العالي مباشرة لو لمّستها فيك هرجعك عيل في بطن أمك

-طب وحضرتك حتستفاد إيه لما ترجعني في بطن أمي؟؟ .. ده حتي

مش هتعرف تكمل التحقيق .. وبعدين حضرتك أمي ست كبيرة معديه

الستين يعني ماهياش أد حمل و ولادة من تاني

-خلاص... يبقي ترحمها وتتكلم

-خلاص يا فندم بدل الموضوع وصل للأم يبقي أنا هعترف بكل حاجه:

هو منه لله المراقب هو الي كان حاطتني في دماغة من اول اللجنه

وعمال يقلي قال ايه انت جسمك جامد وشكلك بتلعب حديد وصحتك بومب

ومعرفش ايه كده طويل وكلام تاني انا مقدرش اقولو وانا طبعا مليش في

الكلام الفاضي ده رحت مزعق معاه راح قايل قال ايه ان انا كان معايا

برشام ورميتو من الشباك وكل دة ظلم وافترى وانا معملتش حاجه وانا

مليش ضعوه وانا عاوز اروح لامي

-




"تم إخلاء سبيلي من سرايا النيابة لعدم وجود تهمة بعد أن تأكدت النيابة

أن البرشام كان فيه نص سندوتش مفتأه كنت هكلو بعد الامتحان ..


بس وهى دى قصتي مع البرشام ****
الرجوع الى أعلى الصفحة اذهب الى الأسفل
E L S A K R
مشرف المنتدي الرياضي
مشرف المنتدي الرياضي
E L S A K R


عدد الرسائل : 677
العمر : 36
الموقع : ww.mohamedhassan.org
تاريخ التسجيل : 06/05/2008

***حكايتي مع الزمان *** Empty
مُساهمةموضوع: رد: ***حكايتي مع الزمان ***   ***حكايتي مع الزمان *** Icon_minitimeالسبت يونيو 07, 2008 1:22 pm

هههههههههههههههههههههههههههههههههههههههههههههههه
الرجوع الى أعلى الصفحة اذهب الى الأسفل
http://www.mohamedhassan.org
سيادة اللواء
مهندس نشيط
سيادة اللواء


عدد الرسائل : 28
تاريخ التسجيل : 11/04/2008

***حكايتي مع الزمان *** Empty
مُساهمةموضوع: رد: ***حكايتي مع الزمان ***   ***حكايتي مع الزمان *** Icon_minitimeالسبت يونيو 07, 2008 7:33 pm

انت بتكذب على السلطة ياض
هاتهولى ههههههههههههههههههههههههه
الرجوع الى أعلى الصفحة اذهب الى الأسفل
al_shama
ضيف شرف عظيم
ضيف شرف عظيم
al_shama


عدد الرسائل : 498
تاريخ التسجيل : 26/04/2008

***حكايتي مع الزمان *** Empty
مُساهمةموضوع: رد: ***حكايتي مع الزمان ***   ***حكايتي مع الزمان *** Icon_minitimeالأحد يونيو 08, 2008 2:31 am

لا حلوة يا حسام
والأجمل وصف السد العالي
قصدي وصف رجل السد العالي
انا عرفت دلوقتي الكهربا دي كلها بتضيع فين
الرجوع الى أعلى الصفحة اذهب الى الأسفل
3ly
مهندس نشيط
3ly


عدد الرسائل : 34
العمر : 33
تاريخ التسجيل : 03/06/2008

***حكايتي مع الزمان *** Empty
مُساهمةموضوع: رد: ***حكايتي مع الزمان ***   ***حكايتي مع الزمان *** Icon_minitimeالأحد يونيو 08, 2008 3:59 am

جامد ديه
الرجوع الى أعلى الصفحة اذهب الى الأسفل
ghazalko
supervisor software
supervisor software
ghazalko


عدد الرسائل : 229
العمر : 37
الموقع : http://ghazaaaal.hi5.com
تاريخ التسجيل : 25/02/2008

***حكايتي مع الزمان *** Empty
مُساهمةموضوع: رد: ***حكايتي مع الزمان ***   ***حكايتي مع الزمان *** Icon_minitimeالأحد يونيو 08, 2008 3:19 pm




بجد والله الدفعه بتاعتنا فيها مواهب فذه

انت مكانك ياد يا حسام مع الروائيين والمفكرين انا مش عارف ايه اللى جابك زراعه
الرجوع الى أعلى الصفحة اذهب الى الأسفل
 
***حكايتي مع الزمان ***
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
هندسه زراعيه عين شمس  :: افتكاسات :: حكاوي القهاوي-
انتقل الى: