هندسه زراعيه عين شمس
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 يوميات واحد وخلاص بيحب بنت استايل!!!!!!!!!

اذهب الى الأسفل 
5 مشترك
انتقل الى الصفحة : الصفحة السابقة  1, 2, 3, 4  الصفحة التالية
كاتب الموضوعرسالة
al_shama
ضيف شرف عظيم
ضيف شرف عظيم
al_shama


عدد الرسائل : 498
تاريخ التسجيل : 26/04/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالثلاثاء يونيو 10, 2008 5:06 pm

طب ربنا يكرمك زي ما كرم ناس اعرفهم كمل وخلص الليلة دي بقى
احسن انا هكره القصص بعد كده
الرجوع الى أعلى الصفحة اذهب الى الأسفل
B O S H K A S H
مشرف المنتدي الاسلامي
مشرف المنتدي الاسلامي
B O S H K A S H


عدد الرسائل : 362
العمر : 37
الموقع : http://www.zamalek.sc/
تاريخ التسجيل : 01/03/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالثلاثاء يونيو 10, 2008 7:42 pm

الحلقه (( 12 ))

مكالمه احمد وابوه الحج هريدى

أحمد : ازيك يابا وازى امى واخواتى والبلد كلتها

وبعدين بينه وبين نفسه (( اللهى تولعوا كلوكوا ))

الحدهريدى: ازيك يا ولدى عامل ايه وايه اخبارك مش ناوى ترجع ولا ايه يا ولدى دى البلد كلتها مستنظراااااك

أحمد: اه طبعا يابا ناوى دى البلد وحشانى جوى جوى جوى

وبعدين بينه وبين نفسه (( اللهى ارجع الاجيها مولعه باللى فيها ))

الحدهريدى : والعمده احمد بيسلم عليك وعايز يكلمك علشان عايز ينزل مصر وعايز يشوفك علشان تروحوا مع بعض تزورو الأوليه وبالمرة يشتريلوا بهيمتين بدل اللى ماتوا

أحمد : ماتوا من ايه يابا هو انت لسه شغال فى الزريبه عنده ولا ايه يابا

الحدهريدى: ومالها يا ولدى شغلانه الزريبه دا انا دلوجتى اترجيت وبجيت مشرف على البهايم كلتها

أحمد : طب الحمد لله يابا

الحدهريدى: طب خد يا ولدى امك عايزة تكلمك

أحمد : يابا والنبى بسرعه علشان انا بتكلم من المحمول ومش بتاعى يابااااا

وبعدين بينه وبين نفسه (( يالهوووى يابا عليك وعلى سنينك السوده ))

أم أحمد : ازيك يا ولدى عامل ايه

أحمد : ازيك يامااااا عامله ايه

أم أحمد : ليك عندى يا ولدى خبر حلو جوى جوى هيعجبك

أحمد : جولى ياما جولى ما ما انا عارف اخبارك

وبعدين بينه وبين نفسه (( اخبارك السوده دى))

أم أحمد : جايبالك عروسه انما ايه زى الجمر يا ولدى

أحمد : عروسه !!!! مين دى ياما ؟؟؟

أمه : نفيسه بنت عمك ابو همام

أحمد : نفيسه !!!!! اللى كانت بتجرى ورا عربيه الرش بتاعه النموس واللى كانت بتزل الترعه

ياما دى كانت ........ ياما دى جربانه ياما


أمه : دى دلوجتى بجت عروسه وإحلوت يا ولدى

أحمد : ربنا يسهل يامااا .. بس انا دلوجتى مبفكرش غير فى دراستى

أحمد : خلاص خلاص ياما سلام دلوجتى علشان الرصيد اللى فى المحمول ميخلصش

أمه : ايه ده يا ولدى انت جيبت محلول

أحمد : وبعدين بينه وبين نفسه (( سلام بجا ياما دا انتى رغايه جوى وراح قافل فى وشها ))

نور: ايه يا احمد سلمتلى على الحج هريدى

أحمد : اه طبعا طبعا يا نور

أحمد: ياااااه يا نور لو شفتى بلدنااااااا حته من شرم كده

نور : نفسى اروح معاك يا احمد مرة واشوفها واشوف الحج هريدى ومامتك وكل اخواتك

أحمد : بينه وبين نفسه ((متشوفيش وحش))

أحمد : اااه يا نور نفسى تشوفى ابويا العمده وهو قاعد فى الزريبه أخ قصدى وهو بيبص على الناس اللى شغاله فى الزريبه

أحمد : وأد ايه يا نور ابويا مهتم بنظافه الزريبه أخ قصدى البلد كلتها

نور: هو بباك عمده طب احكيلى عن اخواتك يا احمد

أحمد : عندى يا ستى أخين وأخت

نور: واسمهم ايه يا احمد

أحمد : عواد وعبعال والبنت اسمها صابحه

نور: وسنهم اد ايه؟؟

أحمد : عواد ده حرامى أد الدنيا

نور: حرااااامى !!!!!!!!!!

أحمد : لأ يا شيخه بهزر معاكى

دا عواد عنده خمستااااشر سنه ولسه فى ابتدائى اصل بيحب الدراسه جوى تصورى !!!

نور : وعبعال ؟؟؟؟

أحمد : عبعااااااال يا عينى على عبعال ... عبعال ده تديله من فوق اكل يديكى من تحت حاجات تانيه

نور: هههههههههههههههههههههههههه

أحمد : لا دا عبعال فظيع تصورى عبعال فى مرة كنا بنتعشا فا أمى كانت عاملالنا بيض ومش وكان فى المش دود وكان عبعال بجاله يومين مكالش لحمه راح واكل الدود وساااب المش !!

نور: يوميين مكاالش لحمه !!!! ههههههههههههههههه

أحمد : لأ وايه وبعد ما أكل الدود والبيض دخل الحمام

فضلت يا نور البلد كلتها 7 أيام تعانى من سد فظييييع فى المجارى

نور: هههههههههههههههههههههههه يع يع

أحمد : مقولكيش بجا على صابحه

نور: لألأ كفااااااايه لحد كده

أحمد : لا كله إلا صابحه .. صابحه وهى صابحه.....

وفجأة واحمد بيتكلم مع نور راح طابب عليه واحد بلدياته من البلد واحمد بقى مرعوب ليشوفوا ويجى يسلم عليه ويفضحه قدام نور

وفعلا ده اللى حصل وبلدياته شافه وراح رايحله علطوووووووووووول

أحمد وشه جااااااب 100 لووووون وخااااااف ليتفضح قدام نور وتعرف ان ابوه ولا عمده ولا حاجه

ورااااااااح دااااخل بلديتناااااا على احمد ..........




اشوفكم بعديييييين
الرجوع الى أعلى الصفحة اذهب الى الأسفل
http://www.zamalek.tv/
E L S A K R
مشرف المنتدي الرياضي
مشرف المنتدي الرياضي
E L S A K R


عدد الرسائل : 677
العمر : 36
الموقع : ww.mohamedhassan.org
تاريخ التسجيل : 06/05/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: اتخنقت الله يخرب بيت نور لاحمد للحاج هريدي لبيتك يا بوشه   يوميات واحد وخلاص بيحب بنت استايل!!!!!!!!! - صفحة 3 Icon_minitimeالثلاثاء يونيو 10, 2008 9:11 pm

يوميات واحد وخلاص بيحب بنت استايل!!!!!!!!! - صفحة 3 Enksar
الرجوع الى أعلى الصفحة اذهب الى الأسفل
http://www.mohamedhassan.org
B O S H K A S H
مشرف المنتدي الاسلامي
مشرف المنتدي الاسلامي
B O S H K A S H


عدد الرسائل : 362
العمر : 37
الموقع : http://www.zamalek.sc/
تاريخ التسجيل : 01/03/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالثلاثاء يونيو 10, 2008 9:22 pm

ولا ملكش دعوه بايه مش عجبك متتفرجش على الفلم بتاعى
الرجوع الى أعلى الصفحة اذهب الى الأسفل
http://www.zamalek.tv/
al_shama
ضيف شرف عظيم
ضيف شرف عظيم
al_shama


عدد الرسائل : 498
تاريخ التسجيل : 26/04/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالأربعاء يونيو 11, 2008 12:40 am

شفت ادي واحد فطس قبل القصة ما تخلص
بجد توقع كل يوم ضحية لو القصة دي ماخلصتش على بعد بكرة بكتيره
وهقولك كلمة من اخت خايفة عليك يا بوشة
TAKE CARE
الرجوع الى أعلى الصفحة اذهب الى الأسفل
B O S H K A S H
مشرف المنتدي الاسلامي
مشرف المنتدي الاسلامي
B O S H K A S H


عدد الرسائل : 362
العمر : 37
الموقع : http://www.zamalek.sc/
تاريخ التسجيل : 01/03/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالأربعاء يونيو 11, 2008 10:20 pm

الحلقه الثالثه عشـــر





ودخل بلديتنا على احمد

صميده : أحمد بلدياتى حبيبى ازيك يا صاحبى عامل ايه

أحمد : ازيك انت يا عواد

بينه وبين نفسه (( الله يخرب بيتك ايه اللى جابك دلوجتى يا صميده يا غلس )).!؟

صميده : ( عواد ) مين انت مش فاكرنى ولا ايه يا احمد

أحمد : لالا طبعا ازاى يا حمدان فاكرك وانا اقدر انساك

صميده : حمدان مين يا احمد انا صميده ابن عمك الحج شعبان بتاع البليله

أحمد : ااااااه يا جدع وانا اقدر انساك برده ايه اللى انت بتجوله ده وايه اللى جايبك هنا يا حمار قصدى يا صميده

بينه وبين نفسه (( تيجو من بلدكوا وتقرفونا هنا )).!؟

صميده : طب والله يا احمد انت كنت واحشنى جوى جوى
فاكر يا احمد ايام زمان اما كنا .......؟


وراح احمد قاطع كلامه

أحمد : اااه طبعا طبعا فاكر يا صميده وانا اقدر انسى

بينه وبين نفسه (( اه يا ابن الدزمه هتفضحنى جدام نور ))..؟

صميده : فاكر اما كنا بنروح نلعب مع البهايم فى زريبه العمده اللى كان شغال فيها ابوك الحج هريدى

أحمد : هههههههههههههههههه دا انت بجى دمك شربات وزى السكر يا صمصم

صميده : ولا فاكر اما كنا بنروح الترعه اللى كنا كل يوم نروح ناخوض بلنصات فيها

أحمد : هههههههههههههههه يخرب بيت شيطانك يا جدع

بينه وبين نفسه (( عليا الطلاج شويه وهولع فيك يا ابن الدزمه )) ..؟

صميده : ياااااااه كانت ايام

أحمد: ااااااااه (( الله لا يرجعها ))..؟

نور طبعا قاعده بتحاول تفهم اى حاجه بس مش قادرة واقعه من الضحك وفى نفس الوقت مستغربه

صميده : انما مجولتليش يا احمد انت هنا بتعمل ايه

أحمد : بشم هوااااا اصل الجو حر جوى جوى هناك فى مصر

صميده : طب ما انت فى مصر برده يا احمد ولا انت حد ضحك عليك وفهمك انك مسافر بلاد بره

أحمد : يااااااه عليك يا صميده مش بقولك دمك بجى زى السكر .. قصدى على القاهرة يا خاااااافيف

صميده : اييييييييه ده وبجيت قاعد فى القاهرة كمان ؟

أحمد : وفيها ايه يعنى ياخويا ولا هما كاتبين عليها ممنوع دخول الحيوانات

نور : ههههههههههههههههههههههههههههههه

صميده : لا لا يا ابن عمى مجصوتش طبعا

أحمد : لا يا سيدى ولا تجصد

بينه وبين نفسه (( ايوه كده ادب معاه خناجه علشان يغووور ابن الدزمه ده )).؟

صميده : انت زعلت ولا ايه

أحمد : لا يا سيدى وهزعلى من حمار زيك ليه قصدى وهزعل منك ليه

صميده : طب حجك عليا

أحمد : انما مجولتليش يا سى صميده انت هنا بتعمل ايه ؟

صميده : انا يا ابن عمى شغاااااااااال فى مطعم فى فندق اسمه تروبيكالا

نور : هههههههههههههههههههههههه اسمه تروبيكانا

أحمد : وكمان مش عارف اسم الفندق اللى انت شغال فيه جتك نيله عليك

صميده : ولا يهمك يا جمر . اللى انتى تجوليه هو الصح

وبعدين مش تعرفنا يا احمد على المزمازيل اللى معاك

أحمد: لا يا سيدى مش هعرفك وبعدين انت مالك

صميده: كده يا ابن عمى ماشى ولا يهمك عادى انما انت مجولتليش عبعال اخوك عامل ايه مع البلد وعمل ايه فى الازمه اللى كان بيسببها للبلد كلها كل ما يدخل الحمام اصل بجالى كتير منزلتش البلد

نور: هههههههههههههههههههههههههههههه

أحمد: يالهوووووووى على تجل دمك يا صميده

انت ياض جايب الغلاسه دى منين ؟

أحمد : اييووووه صميده اهو .. اللحج يا صميده اظاهر كده فى حد بينده عليك هناك وبيجول المدير عايزك

صميده: يالهووى المدير عايزنى يجى فى مصيبه حصلت

هجيلكوا تانى

نور : ههههههههههههههه مقولتليش مين ده يا احمد

أحمد : ده ؟ داااا صميده ابو الغلاسه والرخامه والرزاله كلهاااااااااا

نور: هههههههههههه لا ما هو باين عليه

وبعدين هو الكلام اللى بيقوله ده حقيقى

أحمد : يا سيتى متحوطيش فى بالك بجولك دا صميييييييده

أحمد : الله يخرب بيته مخلناش نعرف نتكلم مع بعض

نور: لا عادى يا احمد ولا يهمك بس انا زعلانه ان خلاص قربنا نرجع

أحمد : وانا كمان والله يا نور

نور: طب انت هتعمل ايه دلوقتى يا احمد ؟

أحمد : انا جعاااااااااان

نور: هههههههههههه انت على طول كده يا احمد اكل اكل على طول

أحمد : يا باااااى عليكى وعلى جرك هو مش انتى جولتى انهم عاملين الاكل ابون بوفيه

نور: ههههههههههههههههههههه ايه ( ابون ) ؟ هههههههههه اسمه اوبن بوفيه

أحمد : يااااااااااه على رزالتك انتى كمان هتعملى زى صميده ولا ايه

بتيجى انتى فى الحاجات التافهه وتتكلمى

نور : ههههههه خلاص معلش

أحمد: طب ايه تيجى تاكلى معايا

نور بكسوف راحه قايلاله اوكى

أحمد : وبتجولى مش جعانه يالهوى عليكى تلاجيجى هتروحى هتعتدى على البوفيه كلها

نور : دا انا برده اللى كل شويه بقول انا جعان انا جعاااااااان

وراحوا الاتنين للبوفيه ويا ريتهم ما راحو للبوفيه[/
الرجوع الى أعلى الصفحة اذهب الى الأسفل
http://www.zamalek.tv/
E L S A K R
مشرف المنتدي الرياضي
مشرف المنتدي الرياضي
E L S A K R


عدد الرسائل : 677
العمر : 36
الموقع : ww.mohamedhassan.org
تاريخ التسجيل : 06/05/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالخميس يونيو 12, 2008 1:09 am

اوووووووووووووووووووووووووووووووووووووووووووووووووف
الرجوع الى أعلى الصفحة اذهب الى الأسفل
http://www.mohamedhassan.org
al_shama
ضيف شرف عظيم
ضيف شرف عظيم
al_shama


عدد الرسائل : 498
تاريخ التسجيل : 26/04/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالسبت يونيو 14, 2008 8:47 am

يلا يا بوشة
منتظرين الحلقة ال14
ويا رب تكون الأخيرة
الرجوع الى أعلى الصفحة اذهب الى الأسفل
B O S H K A S H
مشرف المنتدي الاسلامي
مشرف المنتدي الاسلامي
B O S H K A S H


عدد الرسائل : 362
العمر : 37
الموقع : http://www.zamalek.sc/
تاريخ التسجيل : 01/03/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالسبت يونيو 14, 2008 3:17 pm

الحلقه الرابعه عشر



وراح احمد ونور اللى الابون بوفيه علشان ياكلوا

دا اللى وقفنا لحد عنده الحلقه اللى فاتت انا قلت افكر بس اللى نسى علشان انى اتأخرت

المهم نكمل بقى...........

دلوقتى هما فى البوفيه

أحمد : عايزك يا بت يا نور تاكلى وتملى بطنك على الأخر جبل ما الوكل يخلص

نور : ههههههههههه يخلص ايه بس يا أحمد وبعدين البوفيه مفهوش حد كتير بياكل معانا

أجمد : برده يا نور انتى متضمنيش الاحتياط واجب بجولك ايه

ناولينى كده الفرخه اللى ناحيتك هناك دى وطبج المحشى اللى جنبيها بالمرة

نور : طيب بس انا اول مرة اشوفك جعان اوى كده

أحمد : لألأ اتعودى على كده خلاص دا احنا فاضل يوم ونرجع دا انا مش بعيد ابات فى الابون بوفيه بتاعكوا ده فلازم املا بطنى على الاخر

نور: ههههههههههههه طب ما انت اكيد هتجوع تانى يا ابنى اما ترجع

أحمد : ياباااااااااااااااى عليكى يا نور اسكتى بجى خلينى اعرف اتمزج بالفرخايه الجميله دى

دا انا اخر مرة كلت فيها فراخ اما كنت فى الشجه اللى انا جاعد فيها فى مصر وكانت كمان عملهالى الوليه المايصه جارتى بس كانت ماسخه زيها

نور : ماااشى اتفضل كل انا مش هضايقك تانى

وطبعا كده هما كانوا خدوا الاكل وقعدوا فى المطعم بتاع البوفيه على التربيزة يعنى

أحمد : متزعليييش... بس انا جعان وهنكمل كلامنا بعد ما اخلص يا جمر

نور: طب كل برااحه محدش بيجررررررى وراااك

أحمد : حااااضر ... كده كويس ؟ طب خدى ورك الفرخه دى منى ليكى

نور : لالالا شكرا مش ينفع خالص فراخ مع سمك فليه

أحمد : مع اييييييييييه ؟ سمك فاااااليه ؟

نور: ايه يا احمد متعرفش السمك الفليه مش الفاليه

اللى هو بيكون من غير شوك

أحمد : إيوه إيوه عرفته خلاص اللى بيعوم فى الإحواض بتاعت السمك ده

نور: ههههههههه يااربى ... ايوه هو يا احمد كل بقى

أحمد : طب خدى اى حاجه منى اجبرى بخاطرى يا نور طب اجولك خدى يا سيتى

الطبج بتاع السلطه ده وجومى امليه سلطه وتعالى

نور: نعم نعم نعم ؟؟؟؟ من عينى يا أحمد

أحمد : تسلم عيونك يا جمر انت

وبعد ما راحت تجيبله السلطه بيكلم نفسه (( اومال ايه نعم نعم نعم دى اللى قالتها دى زى حاضر مثلا عندها ولا ايه ))

المهم وهما قاعدين كان بياكل على الطربيزة اللى جنبيهم واحد من الجامعه برده معاهم واسمه ميدو ..... بس اييه قاعد معاه اربع بنات وشغالين بقى ايه ضحك ومقضيناها خاااالص ( عقبالى يارب : )

والواد ايه من الشباب الجامد جدا جدا واللى بيجيبوا من الاخر

نور: ايه ده يا احمد ده ميدو اهو

أحمد : يكونشى عادل امام يعنى ؟ ميشو مين ؟

نور : ميدو يا احمد بقولك ميدو الولد اللى معانا فى الجامعه

احمد : طب اهلا وسهلا اجوم ابوسهولك يعنى ولا اعمل ايه ؟

نور: طب انا هقوم اسلم عليه واقوله على حاجه كنت عايزاها منه

أحمد : نعم يا ست الجمورة تجومى تسلمى علييييه لييييييييييه ؟ يكونش حد جالك انك قاعده مع سوسن ؟

نور : ههههههههه لأ والله مش قصدى بس اصلا كنت عايزة منه رقم الموبيل بتاع اخته علشان كنت عايزاها فى حاجه

أحمد : ااااااااااه وبعدين ايه اللى عامله فى شعره ده وايه النضارة اللى قد ودان الفيل اللى لابسها على عينه دى ودى يا ترى حفظ نظر ولا لابسها كده يتمرجع بيها جدام البنات

نور : دا استيل مووووت يا احمد وعسوووول اوى اوى

أحمد : طب ما تجومى تاخديلك كده بوستين على الماشى منه

نور: لأ انا بقولك يعنى انه استيل مش اكتر وبجد انا دلوقتى عايزة رقم اخته اعمل ايه وكل ما اشوفه انسى اخده فا دلوقتى فرصه وانا فاكره

أحمد : طب من الاحسن انك تندهيلوا وهو يجى احسن

نور: طيب اوك فكره برده

نور: ميدووو ميدووووو

ميدو : ايه ده نور ازييييك يا بنتى

وراح قايم من على الطربيزة وراح رايح عند طرابيزتهم

ميدو : ايه يا بنتى محدش بيشوفك ليه مختفيه يعنى

نور : معلش بقى يا ميدو انت عارف الشهرة والاضواء فا لازم ههههههههه اعرفك احمد يا ميدو وده ميدو يا احمد

ميدو : ازيك يا ابو حميد وايه يا عم المطعم اللى انت فاتحه قدامك ده

نور : ههههههههههههههههههههههه

أحمد : هههههه مش كنتى تجوليلى يا نور ان ميشو صاحبك دمه خفيف كده

ميدو : وانت معانا بقى يا مان فى الجامعه

أحمد : مان ؟؟؟؟؟؟ بتجولك احمد وبعدين مان دى شتيمه ؟؟؟؟

ميدو : لأ يا صاحبى عيب عليك دى معناها راجل بس بالانجلش

أحمد : ربنا يخليك يا ميشو قصدى يا ميدو انت اللى شكلك راجل

ميدو : ربنا يخليك

أحمد : ويا ترى النضارة دى نظر ولا ايه ؟

ميدو : هههههههههههههه نظر مين يا عم الحج انت ايه مش شايف السواد اللى فيها ولا ايه

دى نضارة شمس يا صاحبى

أحمد : اااااااه اللى هى ضد الشمس وكده

زى قبنورى ضد الحرق وضد الكسر هههههههههههههههه

نور : احمد يا ميدو من الناس القريبين اوى منى فى الجامعه

ميدو : اهلا وسهلا يا مان بلاش مان دى اهلا يا صاحبى وفرصه سعيدة

نور: كنت بقولك ايه يا ميدو كنت عايزة رقم سارة اختك علشان كنت عايزاها فى حاجه

ميدو : بس كده يا جميل هاتى موبيلك وانا اكتبهولك

نور : اتفضل

ميدو : مش عايزين منى حاجه بقى يا جماعه انا جمبيكوا على الطرابيزة لو عوزتوا اى حاجه منى

ماشى يا ابو حمييييييد

أحمد : ماشى يا صاحبى ربنا يخليك

نور : شوفت بقى انه طيب وعسل وجدع كمان

أحمد : ما خلااااص يا جمورة ايييييه ده كله كفاايه حاجه واحده

نور: ايه رايك يا احمد تعمل نيولوك فى شعرك ولبسك وطريقه كلامك وكده زى ميدو

أحمد : بجولك ايييه وماله شعرى ولبسى وطريقه كلامى يا ست هاااااانم

ايه شايفانى اراجوووووز ؟؟

نور: لأ يا احمد والله مش قصدى بس انا قصدى ان الناس كلها بتعمل تجديد فى شكلها وكده وهيبقى للأحسن طبعا فاكر اخر مرة عملت فيها كان جميل ازاى

أحمد: اه طبعا وانا اقدر انسى بأمارة اما الحلاق اللى حلقلى تانى يوم مات

نور : ههههههههههههههه

أحمد : اه والله انتى فاكرانى بهزر فا مش ناقصين حد يموت تانى كفايه المرة اللى فاتت

ومن ساعتها وانا متعقد من البلوتوك

نور : ال ايييييييييييييه ؟ يا اربى اسمه نيو لوك

احمد : مش موضوعنا دلوجتى يا رخمه ... طب انا موافج بس عايز حلاج يكون كويس بقى ومش من اللى بيموتوا

نور: ولا يهمك يا سيدى كده كده احنا خلاص راجعين بكره اما نرجع اخلى ميدو يوديك للحلاق اللى بيروحلوا وبعديها ننزل نجيب اللبس كمااان ايه رايك ؟

أحمد : ماااشى يا جمر . بجد يا نور مش عارف اجولك ايييييه يا نور انتى طيبه جوى جوى

نور : لأ يا احمد متقولش كده انت متعرفش انت ايه بالنسبالى

أحمد : طب انا هجوم اغسل ايدى

طبعا نور اضايقت علشان احمد قطع الحوار الرومانسى اللى كان ابتدى بينهم

نور : طيب اوكى اتفضل يا بيه ..... وانا هاطلع أغير هدومى

احمد استنهز فرصه ان نور طلعت تغير هدومها وراح اعد جنب الوليه

الوليه مش معبراه خالص

احمد : يالهوي علي الغزال اللي بيلعب في الرمل

الوليه : ......................... ؟

احمد : يالعوي علي الحصان اللي اعد علي شط

الوليه : .........................؟

احمد : يالهوي عالجمر اللي الميه بلته

الوليه : .........................؟

احمد اتخنق وزهق كل الكلام ده والوليه مش راديه تعبره

احمد عجبه تقل الوليه وحنا عارفينه صعيده وفلت معاه و لازم يكلمها

احمد : ايه يا عم التقل دا عبرنا ولو بنظره

الوليه خدت بالها ان في صوت بيتكلم بصتله

احمد : يا دين النبي ايه العنين الدامده دي

احمد : بس بس بس بس بس بس انت يا جمر

الوليه : ......................... ؟

احمد سرحان في عيون الوليه ومش عارف يقول ايه اتبلم

يالهوي دا نور جايه في الطريق واحمد لسه مبلم في عيون الوليه

نور : احمد " احمد مش هنا خالص راح في دنيا تانيه " مش معانا

نور : احمد احمد احمد

احمد : ايه مين

نور : ايه يا بني انت سرحان في ايه كده

احمد : لا مافيش

نور : طيب انتا جاي معانا ولا اعد

احمد : نروح فين

نور : هنروح نفطر ونطلع علي البلاج

احمد : طيب روحه انتوا انا اعد هنا شويه

نور : لا يا احمد تعالي معانا

احمد : لا انا عايز اعد هنا شويه

نور : كده يا احمد مش عايز تروح معايا

احمد : خلاص خلاص انا هاجي معاكي جومي كتج الجرف

نور : بتقول حاجه يا احمد

احمد وهو ماشي في سره با بنت الدزمه لازم تيجي دلوقتي انا كنت خلاص هكلم الوليه

نور : احمد انت بتقول حاجه

احمد : لا

نور : طيب انت مش هتطلع تغير هدومك وتلبس الترنج اللي من السعوديه الجامد جدا ده

احمد : اه والله فكرتينني بصي انا هطلع اغير وابقي اجيلك روحي انتي


احمد وزع نور وطلع غير هدومه ومش راحلها راح فيـــن


هنعرف الحلقه الجايه
الرجوع الى أعلى الصفحة اذهب الى الأسفل
http://www.zamalek.tv/
al_shama
ضيف شرف عظيم
ضيف شرف عظيم
al_shama


عدد الرسائل : 498
تاريخ التسجيل : 26/04/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالسبت يونيو 14, 2008 8:32 pm

لالالالالالا يا بوشة
هو احمد بتاعك ده هيطلع عينه زايغة ولا ايه
المفروض انه لو بيحب نور بجد والله لو شاف ملكة جمال ما هيلاقيها في عينه تسوى حاجة جنب نور حبيبته
الرجوع الى أعلى الصفحة اذهب الى الأسفل
B O S H K A S H
مشرف المنتدي الاسلامي
مشرف المنتدي الاسلامي
B O S H K A S H


عدد الرسائل : 362
العمر : 37
الموقع : http://www.zamalek.sc/
تاريخ التسجيل : 01/03/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالأحد يونيو 15, 2008 12:17 am

لآلالالالالالالا فى الاخر هتعرفى ان احمد بيبحب نور بس
الرجوع الى أعلى الصفحة اذهب الى الأسفل
http://www.zamalek.tv/
al_shama
ضيف شرف عظيم
ضيف شرف عظيم
al_shama


عدد الرسائل : 498
تاريخ التسجيل : 26/04/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالأحد يونيو 15, 2008 9:50 am

هنشوف يا بوشة
يعني هو الواحد لازم تبقى عينة زايغة ولو حتى لفترة قصيرة
استغفر الله العظيم يا رب
الرجوع الى أعلى الصفحة اذهب الى الأسفل
Hms Elhaya
مهندس جامد
Hms Elhaya


عدد الرسائل : 119
العمر : 35
تاريخ التسجيل : 05/03/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالأحد يونيو 15, 2008 5:21 pm

ايه كل الحلقات دي ؟ كل ده حصل امتى ؟
الصراحه انا مش هقدر أقرأ كل الحلقات مره واحده ده انا قرأت 3 حلقات بس وتعبت
بس من خلال الردود شكلها قصه حلوه وياريت كنت تطول الفتره بين الحلقات علشان اللي مش بيفتح المنتدى كل يوم...........
الرجوع الى أعلى الصفحة اذهب الى الأسفل
E L S A K R
مشرف المنتدي الرياضي
مشرف المنتدي الرياضي
E L S A K R


عدد الرسائل : 677
العمر : 36
الموقع : ww.mohamedhassan.org
تاريخ التسجيل : 06/05/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالإثنين يونيو 16, 2008 12:12 am

ااااااااااااااااااااااااااااااه
خلاص جبت اخري
الرجوع الى أعلى الصفحة اذهب الى الأسفل
http://www.mohamedhassan.org
3ly
مهندس نشيط
3ly


عدد الرسائل : 34
العمر : 33
تاريخ التسجيل : 03/06/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالإثنين يونيو 16, 2008 3:05 am

يارب تكمل على خير
الرجوع الى أعلى الصفحة اذهب الى الأسفل
B O S H K A S H
مشرف المنتدي الاسلامي
مشرف المنتدي الاسلامي
B O S H K A S H


عدد الرسائل : 362
العمر : 37
الموقع : http://www.zamalek.sc/
تاريخ التسجيل : 01/03/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالإثنين يونيو 16, 2008 9:13 pm

الحلقه الـ 15


احمد ساب نور راحت المطعم وطلع هو يغير لكن خد وقت كتير اوي لانه مش عارف يلبس الترنج اللي من السعوديه الجديد محتار يلبس انهه وش اصله وشين زي بعض ما علينا احمد اتخنق راح رامي الترنج ولبس ترنج غيره ونزل نفض لنور و راح يدور علي الوليه مش لاقها في نفس الوقت نور قلقت علي احمد راحت تدور عليه واخيرا

نور : كنت فين يا بني

احمد : ماكنتش وهروح فين يعني

نور : بس ايه الشياكه دي هو دا التنرنج اللي جايبه من السعوديه

احمد : لا التاني فوق في الاوضه مرضتش البسه الواحد المفروض ميلبسش اللبس الدامد بتاعه من اول الرحله إكده

" احمد مش عايز يعرف نور انه مش عارف يلبسه عشان مش تتضحك عليه " اه يا كداب

نور : طيب يلا عشان نروح نكمل اكل

احمد : يالهوي انتي هتكلي تاني انتي مش فطرتي

نور : لا انا كلت حاجات بسيطه كده مستنيياك عشان تفطر معايا

احمد : ماشى يا جمر ربنا يخليكي

نور : يلا يا احمد

احمد : جرسوووووووووووووون انت يااااااااااااااااااااااااااض

نور : بس يا احمد الناس بتبص علينا هو هيجيلنا المنيو بتاعه الاكل دلوقتى

احمد : منه مين هي منه دي شغاله معاه

نور : يالهوي المنيو المنيو

احمد : اه منيو مش منه مين منيو دا بقه

نور : يالهوي يا بني ليسته الاكل

احمد : اه ماتقولي كده من الاول لازم تجيبي منه يعني الاول

نور : طيب شوف هتاكل ايه

احمد : طيب انا هاخد ايه دا مافيش فول طعميه برنجان ايه الاكل دا

نور : هو انت في البلد الفطار هنا زبده مربه جبنه حاجات خفيفه كده

احمد : والحاجات دي بتشبع ولا هنجوع منها

نور : يعني كل لحد ماتشبع دا اوبن بوفيه

احمد : طيب بص يا كابتن هاتلي 5 زبده و10 مربه و 5 جبنه و10 عيش

الكابتن : ليه يا فندم انت عازم حد

احمد : وانت مالك يا سسقيل اه عازم نفسي علي الفطار شوف الانسه تاكل ايه

نور : هتلي زبده ومربه وجبنه ورغيف عيش بس

الكابتن : اي خدمه تانيه

احمد : متشكرين يا خفه روح يلا يااض

نور : ايه ده يا احمد عامل الولد بشكل احسن شويه

احمد : يا عني اطلع البس بدله واكلمه عشان اكلمه كويس

نور : هههههههههههههههههههههههه يخربيت عقلك يا احمد مش قصدى

احمد : هو الراجل اتاخر كده ليه انت يا عم جعانين

نور : يالهوي براحه يا احمد الناس بتضحك عليك

احمد : ليه هو انا بكلمه وانا واقف علي ايدي طب يلا والله منا واكل

نور : خلاص يا احمد برحتك بس انا جعانه

احمد : يلا نروح ناكل في حته تانيه

وخدها احمد و هيروحو ياكلو فى حته تانيه

احمد بعد ما حلف على نور انهم يفطروا في مكان تاني

وهما طالعين لاقى الوليه اللي كان عايز يكلمها

وشه احمر وراح لنور قالها

احمد : نور عشان خاطرك انتي بس هنرجع ناكل في المطعم عشان انتي شكلك جعانه

نور : مرسيي يا احمد علي زوقك " طيبه ماتعرفش اللي فيها " خالص

احمد : هو الجارسون اتاخر كده ليه انت ياااااااااااااااااااااض

احمد : فين الوكل

نور : اهو جاي اهو

الكابتن : اتفضلوا الاكل بالهنا والشفا

نور : ميرسيي

احمد : يلا ياض من هنا

نور : ايه يا احمد خلي قلبك رقيق عن كده

احمد : طيب يا سيتي بقلك ايه يا نور ما تيجي تعدي مكاني

نور : ليه يا احمد

احمد : يعني تعالي بس

نور : طيب تعالي اما اشوف اخرتها معاك

طيبه اصل الوليه كانت اعده ورا احمد و هوا كان عاوز يبصلها

احمد : سرح في عيون الوليه ونسي الاكل ونور

نور : احمد احمد " احمد مش هنا " انت يا احمد انت روحت فين

احمد : ايوه بتقولي حاجه

نور : يالهوي انت ده كله ومش معايا انت سرحان في ايه

احمد : سرحان عبد البصير

نور : هههههههه خفيف سرحان فيه ايه بجد وبتبص فيا كده ليه

احمد : انا ببص عليكي انتى بتتلككي ولا ايه هبصلك ليه يعنى

نور : بتتلكك راحت نور بصت وراها لاقت الوليه بتتضحك لاحمد واحمد سرحان معاها

تش تش تش نور دلقت الميه فوق هدوم احمد

احمد : ايد دا يا نور ينفع كده الترنج اتبل هخرج ازاى دلوقتى

نور : احسن عشان تسرح برحتك بعد كده انا ماشيه

احمد : خدي بس يا مجنونه مالك زعلتى ليه بس

نور سابت احمد وتطلعت اوضتها وزعلانه احمد تطلعلها عشان يصالحها

احمد : نور خلاص بقي انا اسف بجد

نور : اسف علي ايه

احمد : عشان بصيت للوليه

نور : وانا مالي ما تتحرق انت وهي " ونور يا عيني هتموت عشان بص للوليه " ومتغاظه

احمد : اتحرق كده طب انا ماشي راجع البلد ومش هتشوفي وشي تاني غير علي الدراسه

نور : احسن روح

احمد : كده طيب شكرا علي الرحله الجميله دى

نور سمعت اوضه احمد بتتفتح وطالع بالشنط ونازل من علي السلم

نور جريت ورا ولاقيته بيكلم في التليفون من الريسبشن بيكلم مين

احمد : الو

جارته : الووووووووووو مين معايا في التليفون بس ازاي دخلت جوه هههههههههههههه

احمد : مش وقت استظراف امك دلوجيت

جارته : ايه يا واد الخفه دي مين معايا

احمد : انا احمد اللي اتهبب وساكن في الشقه اللي جدامك

جارته : اه حماده ميدو مودي ازيك يا واد يا موودي عامل ايه انت فين وازاي اخبارك

احمد : انا في شرم الشيخ

جارته : مش كنت تقولي يا واد كنا رحنا سوا

احمد : تيجي فين يا وليه دا انتي لو شوفتي النسوان اللي هنا تنتحري

جارته :جاتك ايه يا ميدو عسل بس عسل اسود تلاقيك معاك الجثه اللي كلمتك قبل كده هي لسه عايشه يا واد هي مش ماتت في التليفون

احمد : عيطوا عليكى بدري يا شيخه بتفولي في وش البت ده انتي خارجه من الترب بكفاله يا وليه روحي موتي (نور سمعت الكلام دا وشها نور من الفرحه )

جارته : انا يا ميدو انا يا واد لو عايزه اكون زي جوليا روبرت هكون

احمد : جوليو ابو ربع جنيه انتي بتكلي الحاجات دي يا وليه

جارته : جاتك ايه يا ميدو يخربيت عقلك سكر سكر انت بتتصل ليه بقي

احمد : بجولك ايه انا نسيت المفتاح تحت الدواسه اللي قدام الشقه خديه خلي معاكي لحد مرجع انا راجع النهارده

جارته : ماشي يا حبيب قلبي ترجع بالسلامه مستنياك

احمد : مستنيه مين يا وليه انتي تخلي معاكي المفتاح بس

جارته : ماشي يا مودي ترجع بالسلامه خلي بالك من نفسك

( احمد بيحط السماعه وبيلف لاقه نور في وشه )

نور : انت مسافر خلاص

احمد : اصل اعد لمين انا جاي عشانك وانتي زعلتي ومشيتي

نور : ما انت السبب سرحان في واحده وانا معاك

احمد : خلاص يا سيتي انا اسف

نور : وانا اسفه ماتسفرش خلاص

احمد : خلاص مش مسافر عشان خاطرك انتي

نور : مرسي يا احمد بجد انتا طيب اوي

احمد : انتي اطيب والله

نور : طيب بقي اطلع حط الشنط وتعالي نتمشي

احمد : بس انا جعان اوي

نور : خلاص طلع الشنط وتعالي نفطر

احمد طلع الشنط ونزل لنور تانى

احمد : اخيرا يا نور هنفطر

نور : اخيرا انا ميته من الجوع

احمد : لو سمحت الفطار بتاعنا

الجرسون : حاضر يا فندم

احمد : بس بسرعه والنبي عشان ميتين من الجوع

نور : اه بسرعه خالص عشان ممكن ناكل في بعض دلوقتي

احمد : بسرعه يا عم احسن تيجي تاكل فيا

الجرسون : حاضر يا فندم

( الجرسون جاب الاكل وكلوا الحمد لله ونور خدت احمد وتمشوا علي البحر )

نور : انت هتعمل النهارده ايه يا احمد

احمد : مش عارف والله يا نور انا عندي فكره احنا نتمشي شويه بعدين انا هطلع انام عشان تعبان من السفر

نور : عندك حق والله اوك وباليل ننزل نخرج ونشوف البلد

احمد : اوك يا نور

نور : البحر هنا حلو اوي بكره اكيد ننزله سوا

احمد : قولى يارب

نور : يلا نرجع بقي

احمد : يلا

( احمد ونور طلعوا اوضهم وهنعرف عملوا ايه باليل )
الرجوع الى أعلى الصفحة اذهب الى الأسفل
http://www.zamalek.tv/
al_shama
ضيف شرف عظيم
ضيف شرف عظيم
al_shama


عدد الرسائل : 498
تاريخ التسجيل : 26/04/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالثلاثاء يونيو 17, 2008 12:56 am

طيب كويس بدأوا اللينك اللي بينهم يوصل في الكهربا اهه
عقبال آخر القصة بقى
يــــــــــــــــــــــــــــــــــــــــــــــــــــــــــــــــــــا رب
الرجوع الى أعلى الصفحة اذهب الى الأسفل
B O S H K A S H
مشرف المنتدي الاسلامي
مشرف المنتدي الاسلامي
B O S H K A S H


عدد الرسائل : 362
العمر : 37
الموقع : http://www.zamalek.sc/
تاريخ التسجيل : 01/03/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالثلاثاء يونيو 17, 2008 11:55 pm

والبكوا بعد قليل الحلقه 16 باذن الله
الرجوع الى أعلى الصفحة اذهب الى الأسفل
http://www.zamalek.tv/
B O S H K A S H
مشرف المنتدي الاسلامي
مشرف المنتدي الاسلامي
B O S H K A S H


عدد الرسائل : 362
العمر : 37
الموقع : http://www.zamalek.sc/
تاريخ التسجيل : 01/03/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالثلاثاء يونيو 17, 2008 11:59 pm

الحلقه الـ 16


احمد ونور طلعوا يسيتريحوا وهيخرجوا مع بعض باليل

بعد وقت طويل احمد ونور قابلوا بعض بليل كده بعد المغرب وخرجوا مع بعض

احمد : تصدجي يا نور شوفي احنا بقلنا قد ايه مع بعض وانا مش عارف عنك اي حاجه

نور : بص يا سيدي انا اسمي نور عبدالله والدي شغال مدير بنك اوك ووالدتي اسمها مش مهم وشغاله في الجامعه

احمد : تصدقي اسم مامتك جامد مش مهم مين الذيذ الي سماها الاسم ده

نور : هههههههه يخربيت عقلك يا احمد اسمع بقه

احمد : اتفضلي خلاص

نور : وانا عندي اخت واحده اكبر مني ومسافره مع جوزها وقاعده في البيت لوحدي مع ماما وبابا وليا اخ صغير كده بس ايه عسل

احمد : ربنا يخلوهملك

احمد : بس قوليلي انتي دخلتي الكليه دي كان نفسك فيها ولا عشان مجموعك

نور : لا انا كان نفسي ادخلها عشان والدي يعني كده

احمد : اه

نور : وانت دخلتها ليه تلاقيك عشان المجموع

احمد : لا والله انا دخلتها عشان كان نفسي اخشها يعني شغلها كتير وفي جميع المجالات

نور : قولي صحيح يا احمد لما تيجي تتجوز ايه مواصفات البنت اللي انت نفسك تتجوزها

احمد : ايه السؤال المحرج ده بس ( بصي يا سيتي )

اولا لازم تكون مؤدبه جدا وجميله وتكون دمها خيف زيك كده

( نور وشها احمر واخضر وبتكلم نفسها دا كل المواصفات دي فيا وسرحت في كلام احمد)

احمد : وانتي يا نور بتحلمي جوزك يكون ازاي نور

نووووووووووووووووووووووور

انتي روحتي فين

نور : هه معاك ايوه كنت بتقول ايه

احمد : لا انتي كنتي فين يا بنتي بقولك بتحلمي جوزك يكون ازاي

نور : بص لازم يكون بيحبني مووووووت ويكون طيب وجميل ودمه خفيف

احمد : ( احمد بيضحك مع نور ) تصددقي المواصفات دي فيا يعني انفع ابقي جوزك

نور : ههههههههههههههههههههههههههه يا بن الايه انا نفسي في ايس كريم دا يا احمد

احمد : من عنيا يا نور

نور واحمد مشيوا كتير اوي وكلموا اكتر وراحوا المطعم بتاع الفندق اتعشوا وطلعوا ناموا

تاني يوم الصبح احمد ونور فطروا سوا وراحوا البحر

احمد : ايه يا نور انتي هتنزلي البحر

نور : طبعا يا ابني هو انا جايه هنا عشان اتفرج عليه

احمد : طيب خالي بالك من نفسك

نور : طيب انا بعرف اعوم خالي بالك انت من نفسك ( احمد علي فكره بيعوم علي قده )

احمد : الحقوني الحقوني الحقوني يا نووووووووووووووووووور بغرق

نور : ااااااااااااااااااااااااااااحمد

احمد : يا نوووووووووووووووووور الحقيني الحقيني ( واحمد قاعد يطبش باديه ورجليه وينزل ويطلع (يا عيني يا احمد)

نور : احمد انا جايه اهه امسك نفسك شويه

يا عيني نور كانت لسه بتغير هدومها مش لحقت نطط في الميه بهدومها وجت عند احمد لسه بتمسكه احمد اقعد يضحك ويعوم ونور يا عيني هتعمله ايه وزعلت منه ومشيت

احمد : خدي يا نور انا كنت بهزر معاكي بجد والله خدي بس مش تزعلي

نور : نور دي حركه تعملها فيا بردضه انا قلبي وقع في رجلي اخص عليك يا احمد

احمد : خلاص بقى يا نور المسامح كريم وانتي مش بتزعلي صح

نور : خلاص يا احمد محصلش حاجه بس مش تعملها تاني

احمد : اوعدك اني مش هعملها تاني اطلعي بقه غيري هدومك عشان مش تخدي برد والبسي كده اللي علي الحبل وانزلي عشان هعزمك علي غدوه جامده مووووووووت

( نور طلعت غيرت واحمد طلع لبس هو كمان اللي علي الحبل وراحوا فين)

( احمد ونور نزله وقابلوا بعض في الريسبشن )

نور : ايه بقي يا احمد الغدوه الجامده دي

احمد : لا دي مفاجاه هتعرفيها دلوقتي

نور : طيب يلا بسرعه عشان انا هموت من الجوع

احمد : اوك يلا تاكسي

التاكس : where are you go ؟

احمد : see food ( بعيد عنكوا كده دا اكبر محل سمك في شرم )

نور : وااااااااااااااو ايه المحل التحفه ده يا احمد

احمد : دي حاجه بسيطه كده عشان اعتزرلك علي الموقف اللي حصل الصبح

( نور بتقول في سرها ياريت تعمل الموقف دا كل يوم )

نور : موقف ايه يا احمد مافيش حاجه حصلت دا يدوب كان قلبي هيقف

احمد : بعد الشر عليكي علشان الخضه دي قولت اغديكي اكله جامده موووووووت

الجرسون : اوامرك يا افندم تطلب ايه

احمد : بص يا سيدي عايزين جميع انواع السلطات والمخللات

ثانيا بقي هات جميع انواع السمك اللي عندكوا ظبطنا يعني

ومتنساش الجمبري عشان الفوسفور يعني ظبطنا كده

الجرسون : اي خدمه تانيه يا افندم

احمد : شكرا متنساش اهم حاجه الميه بسرعه

نور : ايه الاكل دا كله يا احمد احنا هنقدر ناكل دا كله

احمد : ان شاء الله انا بقالي يومين مش باكل الاكل بتاع الفندق ده مش بيشبع خالص

احمد : قوليلي صحيح يا نور عقبال ما يعملوا الاكل انتي مش اتقدملك حد للجواز خطوبه يعني

نور : بيتقدموا والله يا احمد بس انا لسه صغيره مش بفكر في الكلام ده دلوقتي وبعدين انا لسه مش قبلك فارس احلامي يعني لسه شويه

احمد : عملتي خير والله جواز ايه دلوقتي انتي لسه صغيره

نور : وانت مش حاطط عينك علي حد

احمد : حاطط عيني علي الطفايه دي

نور : هههههههههههههههه يخربيت عقلك بجد والله

احمد : لسه والله يا نور مش قابلت الانسانه اللي بحلم بيها بس يعني في احتمال اني لاقتها

نور : وشها احمر واخضر وضرب الوان طيب ما تقولي مين دي

احمد : لا لسه شويه في الوقت المناسب هقولك

الجرسون : الاكل يا افندم

احمد ونور اكلوا بالهنا والشفا وشربوا بيبسى واتمشوا لغايه بليل ولفوا البلد وفضلوا يتكلموا كتير اوي مش عارف بيتكلموا في ايه المهم الاتنين روحوا وناموا

تاني يوم بقه صحيوا ونزلوا فطروا وراحوا البحر

احمد : صباح الخير يا نور

نور : صباح الخير يا احمد عامل ايه

احمد : المشي بتاع امبارح ده بوظلي رجلي المهم انتي هتنزلي البحر

نور : اه بس اوعي تعمل حركه امبارح

احمد : لا خلاص عيب مش هعملها تانى

احمد ونور نزلوا البحر وبيعموا فـ احمد وقف شويه ونور دخلت جوه من كتر الارهاق جالها شد عضل فكانت هتغرق نادت علي احمد واحمد منفضلها

يا خبر دى تور بتغرق



أكملكم بعدين بقى
الرجوع الى أعلى الصفحة اذهب الى الأسفل
http://www.zamalek.tv/
B O S H K A S H
مشرف المنتدي الاسلامي
مشرف المنتدي الاسلامي
B O S H K A S H


عدد الرسائل : 362
العمر : 37
الموقع : http://www.zamalek.sc/
تاريخ التسجيل : 01/03/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالجمعة يونيو 20, 2008 10:43 pm

الحلقه الــ 17



احنا سيبنا نور بتغرق والحلقه خلصت مش مشكله نكمل



نور: اااااااااااااااااااااااحمد الحقني يا احمد الحقني بغرق

احمد فاكر نور بتردله المقلب اللي عمله فيها واحمد منفضلها

احمد : بطلي شغل عيال يا نور انا فاهم الحركات دي واحمد قاعد يضحك

بارد اوي احمد ده هو مش بارد هو عامل نفسه ناصح

نور : الحقوني الحقوني بغرق

نور بتغرق بجد وعماله يا عيني تطلع وتنزل وتشرب في ميه واتخنقت

احمد : نوووووووووووور

احمد عام باقصي سرعه ونور اغمى عليها واحمد زعلان اوي راح شيلها وطالع بيها علي الشط

احمد : نور نور اوعي تسبيني

واحمد بيخبط علي صدرها عشان الميه تطلع مافيش فايده

احمد جاب الاسعاف وراح بيها علي المستشفي

الاسعاف جه خد نور علي المستشفي وهناك عملوا الازم طلعوا الميه ورجعولها التنفس وبقت تمام بس لازم تفضل يومين كده

احمد يا عيني في المستشفي بهدوم البحر ودموعه في عينه وبيدعي لنووووور

احمد : دكتور خير

دكتور : خير يا ابني اتطمن الحمد لله هي بخير

احمد : الف شكر يا دكتور الف شكر ممكن ادخولها

دكتور : ممكن

احمد والدموع في عينه داخل علي نور وبكل رومانسيه

احمد : حمدالله علي السلامه يا نور وبيديها ورده

نور : مرسي يا احمد

احمد : انتي بعد الشر لو كان جرالك حاجه انا كنت هرمي نفسي في البحر

نور : متقولش كده انت برضه اللي انقذت حياتي

احمد : انتي اللي ردتيلي حياتي والله يا نور بعد ما تطمني الدكتور

نور : مرسي يا احمد

احمد : شدي حيلك بقي كده وقوميلنا بسلامه كده

نور : ان شاء الله احمد روح انت استريح انت شكلك تعبان

احمد : اسيبك وامشي مش هقدر وبعدين انا زي الفل اهو

صحاب نور عرفه اللي حصل جم بسرعه يطمنوا عليها

ريم : نور حبيبتي الف سلامه انا مصدقتش والله اول ما قالولي انتي كويسه

نور : انا الحمد لله كويسه

ريم : الحمد لله

ريم : انا متشكره جدا يا احمد عشان انقذت صحبتي

احمد : علي ايه يا ريم ماهي صاحبتنا كلنا برضه

ريم : عنددك حق يا احمد مرسي اوي

نور قعدت يومين في المستشفي وبعدين طلعت كان فاضل يوم واحد بس ويرجعوا

احمد وريم وصلوا نور للاوضه بتاعتها ونامت وتاني يوم الصبح

احمد : حمدالله علي السلامه يا نور

نور : الله يسلمك يا احمد والله انا مش عارفه ارد جميلك ده ازاي

احمد : جميل ايه بس هو في بينا جمايل بس علي فكره يا نور لو كان حصلك بعد الشر اي حاجه انا ماكنتش هسامح نفسي خالص

نور : متقولش كده يا احمد انت برضه الي انقذت حياتي

في منظر رومانسي تحت السماء صافيه والبحر الازرق والموسيقي في الفندق شغاله

احمد : بس يا نور تعرفي وانتي نايمه بتكوني جميله اوي

نووور وشها احمر وضرب الوان ومش عارفه تقول ايه

نور : مرسي يا احمد انت الاجمل والله

احمد قرب من نور وبص في عنيها

احمد بيبص لنور في عنيها وقرب منها اوى

ايه دا دا قرب يالهوي دا قرب خالص

ياااااااااااااااااااااالهوي احمد مسك ايد نور

يابختووووووووووووووووو

احمد : يا نور انا مش عارف لو كان جرالك حاجه انا كان ممكن يحصلي ايه

نور : ليه يا احمد بعد الشر عليك متقولش كده

احمد : بجد والله اصلك يا نور بقيتي كل حاجه في حياتي ومن غيرك مش كنت عارف هعمل ايه في حياتي غيرتي كل حاجه في حياتي

نور : عشان انت طيب والله بجد يا ميدو وبتحب بسرعه

احمد : ميدو تصدقي احلي كلمه ميدو سمعتها في حياتي

نور : خلاص يا سيدي ليك عليا مش اقولك غير يا ميدو

احمد : مرسي يا نور بس تصدقي يا نور بجد انا حلمت بيكي امبارح

نور : بجد يا احمد احكي بسرعه حلمت بايه

احمد : خير الله ما اجعله خير اننا ركبين طياره ومسافرين بيها مش مش عارف مسافرين فين المهم الطياره كانت بتقع

نور : يا لهوي هتموتني في الحلم يا احمد

احمد : بعد الشر عليكي

احمد : المهم اتخضيت عليكي رحت واخدك مبين ايديا ورحت بيكي كبينه الطياره انا اللي سوقتها ووصلنا الحمد لله

نور : طيب الحمد لله مش جرالنا حاجه

احمد : بس ايه كنتي لبسه حته فستان ابيض جميل

نور وشها نور من الفرحه و فرحت اوى اوى

نور : بجد يا احمد

احمد شاف ريم صاحبه نور جايه من بعيد زعل اوي

ريم : ازيكوا يا حلوين عامله ايه يا نور دلوقتي

نور : الحمد لله كويسه ميدو خرجني من الاوده وبنتمشي شويه

ريم : مين ميدو ده

احمد : انا يا ريم ميدو اصلي غيرت اسمي

ريم : هههههههههه بجد الف مبروك عئبالي لما اغيره

احمد : ههههههههه تغيريه هيبقى ايه ميدو بردو

نور : يخربيت عقلك يا ميدو صحيح يا ريم هتغيريه ليه

احمد : دا حتي الاسم دا وحش اوى قصدى حلو اوى اوى

ريم : انا اسمى وحش بردو يا احمد ماشي انا ماشيه وسيباكوا لوحديكو

نور : يا ريم بنهظر معاكي والله خلاص مش تزعلي

احمد : بنهظر والله يا ريم خلاص اؤمري اي طلب واحنا ننفذه عشان نصلحك بيه

ريم استغلت الفرصه و طلبت منهم طلب

استغلاليه



كفايه كده /[/align]
الرجوع الى أعلى الصفحة اذهب الى الأسفل
http://www.zamalek.tv/
al_shama
ضيف شرف عظيم
ضيف شرف عظيم
al_shama


عدد الرسائل : 498
تاريخ التسجيل : 26/04/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالسبت يونيو 21, 2008 1:44 am

ايه يا بوشة انت بقيت تتقل علينا ولا ايه
الوقت ما بين الحلقات بقى كبييييييييييييييير قوي بال3 وال4 ايام
يلا بقى خلص وهات الآخر قبل ما نجيب آخرنا احنا
الرجوع الى أعلى الصفحة اذهب الى الأسفل
B O S H K A S H
مشرف المنتدي الاسلامي
مشرف المنتدي الاسلامي
B O S H K A S H


عدد الرسائل : 362
العمر : 37
الموقع : http://www.zamalek.sc/
تاريخ التسجيل : 01/03/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالأحد يونيو 22, 2008 9:28 pm

الحلقــه الـ 18


احمد ونور بيهزروا مع ريم بس ريم زعلت و احمد و نور حبوا انهم يصالحوها فريم طلبت منهم طلب

ده اللى كنا واقفين عنده المره اللى فاتت

فاكرين يا بختوووووووووووووووو

ندخل فى الحلقه بقى

احمد : اؤمري يا ست ريم طلباتك اوامر بس ماتزعليش

ريم : ميرسي يا احمد انا هطلب منكوا طلب بصفتي جعانه دلوقتي عايزه اتغدي

احمد : بس كده يالهوي انا قولت هتقولي حاجه جامده خدي يا ستي 5 جنيه اهه جديده واتغدي برحتك عند اى واحد بتاع فول وطعميه جبيلك 16 سندوتش و كلى لحد ما تشبعى

نور : هههههههههههههههه اه صح روحى كلى فول و طعميه

ريم : بتضحكي عليا يا نور ماشي مكنش العشم

نور : الحق يا احمد دي زعلت بجد والله .. يا ريم بنهزر معاكي

احمد : بجد بهزر معاكي يا ريم انت بتزعلي بسرعه كده ليه خلاص يا ستي اختاري اي مكان نتغدي في وعلي حسابي كمان

ريم : ميرسي يا احمد انا نفسي في سمك اوي

احمد : بس كده يا سلام تؤمري يلا بينا هغديكوا غدوه تحلفوا بيها استنوني هنا ثواني

ريم : انت رايح فين يا احمد

احمد : ثواني اجيب حاجه واجي ثواني بصوا شايفين الصخره اللي هناك دي روحوا اعدوا عليها وانا جايلكوا حالا

احمد ساب نور وريم علي صخره علي البحر وطلع الاوضه بتاعته جاب سناره صيد كان جايبها معاه

كان بيصطاد بيها من الترعه اللي كانت عندهم فى البلد

مش مشكله احمد نزل بالسناره وسله صغيره كده عشان يحط فيها السمك

نور وريم شافوا احمد جاي من بعيد

نور : ايه ده يا احمد انت هتعمل ايه

احمد : زي ما انتي شايفه هصطاد سمك ونشوي هنا هيبقي اخر يوم لازم يبقي جاااااااامد مش احنا برضه ماشين بكره بالليل

ريم : اه صحيح فكرتني يا خساره كانت رحله جميله بس ده شكله هيبقي اجمد يوم بقى

نور : عندك حق يا ريم انا بحب الصيد اوي

احمد : هايبقي يوم جامد

سيبوا احمد ونور يصطادوا وتعالوا نشوف الحوار ده حصل فى البلد بتاعه احمد

ابو احمد : الواد يا حجه ولا بيسال فينا لحسن يكون جراله حاجه

ام احمد : انا عارفه الواد زي ما يكون في حاجه شغلته عنا ونسي نفسه يا خويا

ابو احمد : احنا لازم نتصل بيه

ام احمد : بس هنتصل بيه ازاي بس

ابو احمد : هو مش سايب معاكي رقم الشجه اللي ساكن جصادها

ام احمد : اه والنبي دا سيبها معايا استني اخش اجيبها

ابو احمد : هاتي اما نتصل بيه نشوفه فين ونطمن عليه

والحج اتصل ودار حوار جامد اوى

الحاج ابو احمد والحاجه جابوا الرقم واتصوا بالوليه اللى بتوحوح لو فاكرين

الحج : شجه الست عطيات

عطيات دي الوليه الي ساكنه في الشقه الي ادام احمد

عطيات : ايوه يا اخويا عايز مين

الحج : كنا عايزين نكلم احمد هو هنا

عطيات : يالهوي هنا فين يا حج مش عيب دا انا ست لوحدي واخاف علي سمعتي

الحج : يا ست الشريفه مش جصدي انا جصدي تنديه من شجته هو مش ساكن هنا برضه

عطيات : ايوه يا خويا ساكن هنا بس هو مش هنا الندل ده وانت مين يا اخويا

الحج : انا ابوه هو مش هنا ليه

عطيات : ابوه يا اهلا يا اهلا العمده يا مراحب يا حج

الحج : اهلا بيكي يا ست هو مش موجود

عطيات : لا يا اخويا دا مسافر شرم الشيخ ولسه ما جاش

الحج : يالهوي كفر الشيخ يعمل ايه هناك

عطيات : يا حج شرم شرم الشيخ بتاعت الاجانب والسياح ده مصيف يعني

الحج : زي جمصه كده

عطيات : ايوه زي جمصه كده بس شرم دي بتاعت الناس الهاي اوي والاجانب

الحج : ايوه ايوه يا عيب الشوم بتاعت البنات المش لابسين هدوم

عطيات : ايوه يا حج شوفت وواخد معاه واحده صاحبته هي اللي هتبوظه يا حج

عطيات مفروسه من نور عشان احمد مهتم بيها ومنفضلها

الحج : واحده

عطيات : اه والنبي يا خويا رايح مع واحده زميلته في الجامعه هتبوظه

الحج : متشكرين يا ست عطيات والنبي لما يجي ابجي شيعلنا تليفون عشان اجيله

عطيات : حاضر يا خويا

الحج ابو احمد بيضرب كف علي كف وبيكلم في نفسه وعطيات ضربت مهموز في احمد جامد اوي

سيبك بقي من الحج وعطيات وتعالوا نشوف احمد ونور وريم عملو ايه مع الصيد

نور : هههههههههههه واحده كمان اهه يا احمد شد السناره بقى

احمد : شكلكوا مرزقين يا بنات انا عمري ما صطدت سمك بالكميه دي ما شاء الله

نور : كفايه كده يا احمد وتعالوا نشويهم بقي

احمد : استني كمان شويه اخر واحده عشان كل واحد ياخد خمسه عشان ريم دي شكلها جعانه وممكن تاكلنا

ريم : اه والله يا احمد انا جعانه مووت اهه يا احمد جيبها بقي

احمد : حاضر ههههههههههههههههههه بصي يا نور نصيب ريم طلع ايه

نور : هههههههههههههههه انتي هتكلي دي ههههههههههههههههه

ريم : كدا برضه يا نور تردي ان اكل الشىء ده

ماتخدوش فى بالكم اصلي معرفش احمد اصطاد ايه علشان انا ماكنتش معاهم لما يجي هبقى اسالوا

ياريتنى كنت معاااااااااااااهم

هههههههههههههههه رخم اوى انا عارف فى الحته دى

احمد : يلا يا ريم ويا نور حضروا الشوايه عشان نشوي السمك عشان انا جعان مووووووت

ريم : اه بسرعه يا نور عشان انا ممكن اكل احمد دلوقتي

نور : يالهوي تاكلي احمد لا انا خلصت اهه

احمد ونور وريم كله بالهنا والشفا واعدو شويه قدام البحر طبعا احمد مش عارف يكلم نور من الست ريم

أحمد : بس انا عاذرها والله اصلها مش ليها صاحبه غير نور هتقعد مع مين يعنى مع انها اموره بس يا خساره لو مكنتش اتعرفت على نور فى اول القصه يلا هعمل ايه بقى هقطع روحى

فـ ريم هتعمل ايه يعنى بتقضي معاهم شويه وتعد لوحدها شويه

بس علي فكره بيني وبينكوا انا ابتديت احب ريم اصلها طيبه اوي ووحيده و اموره و كده يعنى احم احم

ما علينا المهم نكمل بقى كلامنا بعد فاصل من المعاكسه فى ريم العسل و هما خلصوا اكل و كده

احمد : انا طالع بقي احضر شنطتي عشان بكره اكون فاضي

نور : اه صحيح ده احنا هنرجع بكره يخبر يلا يا ريم نطلع نحضر الشنط عشان بكره نخرج قبل ما نمشي و نكون مجهزين الشنط

ريم : اوك يلا بينا

احمد : انا عندي فكره وانتي يا نور بتحضري الشنط حطي ريم جوه شنطه عشان مش تقعد علي سلم الباص زي ما عملتها واحنا جايين و مش كانت لاقيه مكان تقعد

نور : ههههههههههه عندك حق يا احمد والله

ريم : عنده حق ده بدل ما تقوملي وتخليني اعد مكانك مش انت ولد و تتحمل

نور : لا في دي يا احمد عندها حق

احمد : يالهوي انتي تؤمري يا ريم ده انا ممكن اخلي الى فى الباص كله يجري وراه و مش يركب اصلا وانتي بس ركبه جوه وتقعدي علي كل الكراسي براحتك

ريم : اتريق اتريق

احمد : خلاص انا غلطان وهسيبك في الشنطه هههههههههههههه

نور : خلاص يا احمد دي مهما كان برضه صحبتي

احمد : خلاص يا نور علشان خاطرك انتي و علشان خاطر ريم

ريم : ميرسي يا احمد

احمد ونور وريم طلعوا يحضرو الشنط وناموا لغايه بالليل

و بعد لما صحيوا نزلوا اتعشوا وخرجوا شويه وبرضه ريم معاهم مش عارفين يتكلموا خالص

احمد بوظ القعده علي ريم ومشاها بذكاء على شان يعرف يكلم نور










[color=#FF00FF]المره الجايه بقى نعرف احمد عمل ايه علشان يمشيها [/[/align]]
الرجوع الى أعلى الصفحة اذهب الى الأسفل
http://www.zamalek.tv/
al_shama
ضيف شرف عظيم
ضيف شرف عظيم
al_shama


عدد الرسائل : 498
تاريخ التسجيل : 26/04/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالإثنين يونيو 23, 2008 12:05 am

يا سلالالالالالالالالالالالالام عليك يا عم بوشة
يا سيدي ليك عليا اخطبلك ريم بعد القصة ما تخلص
بس انت خلصها
[b]
الرجوع الى أعلى الصفحة اذهب الى الأسفل
B O S H K A S H
مشرف المنتدي الاسلامي
مشرف المنتدي الاسلامي
B O S H K A S H


عدد الرسائل : 362
العمر : 37
الموقع : http://www.zamalek.sc/
تاريخ التسجيل : 01/03/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالإثنين يونيو 23, 2008 12:48 am

اصل ريم فى الاخر هتكون شبه نانسى وانا هخطبها علشان مسكين ووحيده
الرجوع الى أعلى الصفحة اذهب الى الأسفل
http://www.zamalek.tv/
B O S H K A S H
مشرف المنتدي الاسلامي
مشرف المنتدي الاسلامي
B O S H K A S H


عدد الرسائل : 362
العمر : 37
الموقع : http://www.zamalek.sc/
تاريخ التسجيل : 01/03/2008

يوميات واحد وخلاص بيحب بنت استايل!!!!!!!!! - صفحة 3 Empty
مُساهمةموضوع: رد: يوميات واحد وخلاص بيحب بنت استايل!!!!!!!!!   يوميات واحد وخلاص بيحب بنت استايل!!!!!!!!! - صفحة 3 Icon_minitimeالخميس يوليو 03, 2008 12:56 am

معلش يا جماعه على انقطاعى عن الحلقات علشان بس الاجازه جت الواحد بقى مش فاضى زى ما كان فى الدراسه بس هحاول اكلمها كلها مره واحده
الرجوع الى أعلى الصفحة اذهب الى الأسفل
http://www.zamalek.tv/
 
يوميات واحد وخلاص بيحب بنت استايل!!!!!!!!!
الرجوع الى أعلى الصفحة 
صفحة 3 من اصل 4انتقل الى الصفحة : الصفحة السابقة  1, 2, 3, 4  الصفحة التالية
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
هندسه زراعيه عين شمس  :: افتكاسات :: نكت وافاشات-
انتقل الى: