الامتحانات وبلاويها واللي بيجري فيها ....... تم التعديل من قبل الاداره

حتسقط يعني حتسقط يا !!


ده أحلى يوم في حياتي..يوم الامتحان..عارفين ليه؟؟ عشان ده اليوم اللي ببخ فيه الإجابة في الورقة بعد ما قعدت أحشي المعلومات في دماغي طول أيام المذاكرة المخنقة..

لبست هدومي..وقبل أن أخرج من باب البيت..نظرت إلى الكتاب..وقولتله: وربنا..وربنا ما حذاكرك تاني..

ثم ذهبت إلى اللجنة مسرعاً وأنا سعيد إني خلاص حفضي دماغي من مادة كاملة-طبعاً ده إن نجحت فيها إن شاء الله-وصلت إلى مكاني في اللجنة..وبعد أن جلست وزعوا علينا ورقة الإجابة..وطبعاً زي كل الشعب..سطرت الورقة وجهزتها للفرم اللي حيحصلها..وفجأة!!!!!!

وزعوا علينا ورقة الأسئلة..نظرت إلى الامتحان وأنا لا أصدق نفسي..يا حومتي!!!..إيه ده يا واد يا حسام .. معقول .. هو ده امتحان؟؟ .. مش ممكن!! .. ده امتحان محصلش في الأرجنتين.. -متسألوش اشمعنا الأرجنتين؟طبعاً عشان بحب ديفيد بيكهام- لقيت الورقة..عجيبة..غريبة..كالآتي:-

----------------------------------------------------------------------------------------------

الاسم:اكتب اسم الحاجة أمك :............. رقم موبيلك:...............

الإيميل:.................... السيبر المفضل:..............

السؤال الأول:اختار من بين الأقواس الكلام الصح:

1- حنان ترك اتحجبت يعني............(لبست جزمة - لبست ساعة - لبست ايشرب)

2- اللي بنى هرم خوفو..............(طلعت مصطفى - المقاولون العرب - مقاول عادي - خوفو)

3- اللي بنى..بنى مصر كان في الأصل......(حلاق - نجار - تاجر مخدرات - السيد - حلواني)

4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............(يا ماما - يا بابا - يا خالو - يا ريس - يا مصر)

5 - مصر هى أمي نيلها جوا...........(بطني - رجلي - جيبي - دمي)

6- رئيس مصر القادم السيد......(جمال مبارك - جمال مبارك - جمال مبارك - كل ما سبق)



السؤال الثاني:أكمل الجمل الآتية بكلام م الآخر:

1- انتبه من فضلك السيارة ترجع إلى........................

2- ماما زمنها...................

3- من خلال تجاربك السابقة...البامبرز استيك منه.............

4- طلعت أدّب نزلت أدّب لقيت الدب بيأزز............

5- اسم والد اللاعب وائل جمعة الحاج..............



السؤال الثالث:ضع علامة NIKE أو علامة غلط أمام الكلام الجاي:

1- بابا فين؟؟ ..بابا هنا..قوله مين؟؟ قوله عمو ( )

2- الشرطة دائما في خدمة الشعب ( )

3- اللي بيته من سيراميك ميحدفش الناس بالبلاط ( )

4- شاي الجوهرة حتة سكرة ( )

5- يحكم مصر النظام الملكي ( )

******************************************************

ملاحظه صغيرة /

لو حليت الامتحان كله صح برضو ممكن تسقط لأحد الاسباب التالية /

1 - لو غبت في محاضرة
2 - لو نمت او ضحكت او نعست او فرحت او حزنت او حتى اتنفست اثناء المحاضرة


3-لو في شيت ما سلمتوش

4-لو كان شكل امك بش عجبني

******************************************************

وبالتالي ربنا يستر وتعدي السنه على خير

تم التعديل من قبل الاداره

معلش بقا يحسام احنا خلاص اخدنا علي الامتحانات دي واشكالها الغريبه ....
بس انا كان لي تعليق بسيط وهو ان ديفيد بيكهام بيلعب في منتخب انجلترا مش الارجنتين ...هههههههه

طيب متشكرين يا حسام
علي موضوعاتك الغريبه اوي دي
اللي احنا بنجاملك ونرد عليها

رغم انى مش فاهم حاجه بس عموما متشكرين على الموضع ده

enta betharag ya 7osam eih el kalam el fady ely enta katbo dah

da mesh emte7an a5er el sana 5ales




da emte7an el mid term
3omro mayeb2a a5er el sana

loooooooooooool

من الطبيعي انكو ما تفهموش حاجه عشان المنتدى ده بتاع الكبار بس في منتدى اطفال اسمه **حماده الشاطر الي بيسمع كلام ماما و بابا ** ابقو ادخلو عليه وان شاء الله هتفهمو المواضيع عشان هي معموله مخصوص عشان تناسب المستوى التفكيري المضمحل للي زيكو

hossam كتب:

من الطبيعي انكو ما تفهموش حاجه عشان المنتدى ده بتاع الكبار بس في منتدى اطفال اسمه **حماده الشاطر الي بيسمع كلام ماما و بابا ** ابقو ادخلو عليه وان شاء الله هتفهمو المواضيع عشان هي معموله مخصوص عشان تناسب المستوى التفكيري المضمحل للي زيكو

طيب خلي حد غيرك يا حسام يتكلم عن المستوي التفكيري
انت شايف ان كل الناس دي مش بتفهم وانت اللي بتفهم
(عـــــــــــــــــــــــــــجــــــــــــــــــــــبـــــــــــــــــــــــــــــــي)

هو كلمة الحق بتزعل في الزمن ده